03.03.2021

III, VI və VII sinif şagirdləri üçün milli qiymətləndirmə keçiriləcək

III, VI və VII sinif şagirdləri üçün milli qiymətləndirmə keçiriləcək

- - -

    5-12 mart tarixlərində III, VI və VII sinif şagirdləri arasında milli qiymətləndirmə təşkil ediləcək. Məqsəd ümumi təhsil pilləsində keyfiyyət göstəricilərini müəyyən etməkdir.

7000-ə yaxın şagirdin iştirakı nəzərdə tutulan milli qiymətləndirmə əyani formada təşkil olunacaq. Qiymətləndirmə COVID-19 pandemiyasının tələb etdiyi gigiyenik şərtlərə uyğun olaraq ölkənin təsadüfi seçilmiş 20 regionunda keçiriləcək.

Qeyd edək ki, milli qiymətləndirmənin nəticəsi şagirdlərin məktəbdaxili qiymətləndirmə üzrə nəticələrinə təsir göstərmir. Bu qiymətləndirmə tədqiqat xarakteri daşıyır və tədris ili ərzində mütəmadi təşkil olunacaq. Tədqiqatın nəticələri əsasında şagirdlərə dəstək üsulları hazırlanacaq.

Məlumat üçün onu da qeyd edək ki, Saatlı rayon ümumitəhsil müəsissələrindən Sarıcalar kənd M.Mirzəliyeva adına tam orta məktəb və Saatlı şəhər M.Ağayev adına 2 nömrəli ümumi orta məktəbində milli qiymətləndirmə təşkil ediləcək.


Açar sözlər: